E a roda do destino boutou a andar implacable e caprichosa.

Pouco podía sospeitar Xiana todo o que lle ía pasar no día de onte. Un día coma outro se non fose porque cumpría 15 e todo o mundo se sumou aos parabéns. Un día coma outro se non fose por unha festa que ela mesma organizaba e na que todos participaban. E non só do insti da Cachada, pois tamén doutros lugares se sumaron á iniciativa.

E nada indicaba que Romero pensase en asistir a tal evento. Nin el nin os seus máis achegados.

Pero así foi indo o día: entre preparativos e polémicas. Ata chegar a hora en que a festa pola lingua ía xuntar a auga co aceite. O momento en que a celebración chea de sorpresas e detalles ía deixar paso ao capricho do inevitable disfrazado de casualidade. O encontro inesperado.

En fin, un día coma outro se non fose porque o remate da xornada se prolongou ata ben entrada a madrugada. E se non, velaquí a proba de que a roda non fixo senon empezar as súas voltas.

E agora, descansadas as cabezas, collede folgos porque hoxe é outro día.

Xespir

Na fermosa vila de Boiro, no Instituto da Cachada, terán lugar estes amores. Dúas cuadrillas rivais derramarán polos seus odios mutuos moitas inculpadas bágoas. Só cinco días vai durar na Rede este odio secular entre linguas. Atendede ao triste enredo e supliredes coa vosa implicación o que lle falte á traxicomedia.

Xespir

Se non tiveches oportunidade de seguir Amores Prohibidos dende o comezo, non te preocupes: os rapaces de A Cachada cóntanche como chegamos ata aquí, e que estivemos a facer en todas estas semanas de xuntanzas, ensaios e traballo en equipo.

Xa podes coñecer a Romero e a Mejuto. Que lles gusta facer? Como son? Bótalles un ollo a estes vídeos, que enseguida che contan!